കണ്ണാടിയില്‍ നോക്കിയ നാളുകളില്‍ ,
ഞാന്‍ കണ്ട ചിലത് കുറിച്ചിടട്ടെ ...
"ദേശാടനത്തിനിടെ,
അടര്‍ന്ന തൂവല്‍ ,
കൊത്തിയെടുത്തു പറന്ന കിളി ....
ചില്‍കൂട്ടില്‍ കിടന്നു ,
കയര്‍ത്തും കരഞ്ഞും ,
ചിരിച്ചും, വലിട്ടടിച്ച മത്സ്യം ...
ശവപ്പറമ്പിലെ ,
ചാരത്തിനടിയില്‍,
ചീയാത്ത അസ്ഥികള്‍ ചികയുന്ന കൈ ..
നാളെയുടെ താളില്‍,
വാചകങ്ങള്‍,
നീരാല്‍ കുറിക്കുന്ന അദൃശ്യ തൂലിക ...
ഇലകൊഴിഞ്ഞന്ത്യത്തില്‍ ,
വാവലുകള്‍ പറഞ്ഞൊഴിഞ്ഞു,
വയലിലെകാകിയായ് നില്കുന്നോരാല്‍ മരം ...
കഥകള്‍ക്കുമപ്പുറം ,
മലമുകലിലെക്കായ്,
കല്ലുരുട്ടുന്നൊരു ഭ്രാന്തന്റെ നിഴല്‍ ..."
എങ്കിലും മധുരാമയോന്നു
ഞാനോര്‍കുന്നുവിന്നിതാ ...
"ചിറകു വിടര്‍ത്തുവാനി-
ലകള്‍ക്കടിയില്‍,
തപസ്സിലെക്കുറയുന്ന , ശലഭപ്പുഴു ..."
No comments:
Post a Comment